ՆորություններՌՈՒԲԵՆ ԳԵՎՈՐԳՅԱՆՑՆ ԱՅՍՕՐ ԿԴԱՌՆԱՐ 75 ՏԱՐԵԿԱՆ ՀԱՐԳԱՆՔԻ ՏՈՒՐՔ ԵՎ ԽՈՆԱՐՀՈՒՄ ԱՍՏՂԱՅԻՆ ՊՈՒՐԱԿՈՒՄ
Այսօր կինոռեժիսոր, Հայաստանի կինեմատոգրաֆիստների միության նախկին նախագահ ՌՈՒԲԵՆ ԳԵՎՈՐԳՅԱՆՑԻ ծննդյան 75-ամյակն էր և Հայաստանի կինեմատոգրաֆիստների միությունում գործընկերներն ու նրա արվեստի երկրպագուները հավուր պատշաճի հարգանքի տուրք էին մատուցելու: Բայց պատերազմն ու համավարակը չեղարկեցին բոլոր ծրագրերը, բոլոր հանդիսությունները:
Իր ծննդյան օրվա հանդիսությունները, վստահաբար, կչեղարկեր նաև ինքը՝ ՌՈՒԲԵՆ ԳԵՎՈՐԳՅԱՆՑԸ:
«Ոսկե ծիրան» կինոփառատոնը՝ Կինոգետների և կինոլրագրողների հետ գործակցաբար, այսօր Ազնավուրի անվան հրապարակի աստղային պուրակում՝ ի թիվս այլ աստղերի, հանդիսությամբ բացելու էր նաև ՌՈՒԲԵՆ ԳԵՎՈՐԳՅԱՆՑԻ աստղը՝ ներկայությամբ իր գործընկերների, կինոգործիչների, ընտանիքի անդամների, նրա կինոյի երկրպագուների:
Չեղարկվեց նաև այդ հանդիսությունը:
Չեղարկվեց նաև նրա ընտանիքի անդամների խնդրանքով:
Մնում էր միայն Հայաստանի կինեմատոգրաֆիստների միության, հայ կինոգործիչների անունից ծաղիկների տեղադրմամբ մեր հարգանքի ու խոնարհումի տուրքը բերել:
Այսօր ծաղիկ դրվեց նաև ՌՈՒԲԵՆ ԳԵՎՈՐԳՅԱՆՑԻ աստղին:
Շնորհավոր ծնունդդ, մաեստրո:
30.11.2020