Հայաստանի կինեմատոգրաֆիստների միության ԿինոԶրույցներ նախագծի հերթական հյուրը Երևանի դրամատիկական թատրոնի և կինոյի սիրված դերասան ԲԱԲԿԵՆ ՉՈԲԱՆՅԱՆՆ ԷՐ:

 

ԿինոԶրույցները վերածվել են յուրօրինակ վարպետության դասերի, որոնց ընթացքում ոչ միայն օրվա գլխավոր հյուրն է ներկայացնում իր տեսակետները օրվա թեմայի շուրջ, խոսում իր մոտեցումների մասին, այլև ԿինոԶրույցներին ներկա բոլոր մասնակիցները՝ ռեժիսորներ, դերասաններ, երիտասարդ ստեղծագործողներ, հնարավորություն են ունենում խոսել, արտահայտել կարծիքներ ու տեսակետներ, բանավիճել:

 

Բաբկեն Չոբանյանի անկեղծությունը թույլ տվեց իրական վարպետության դաս անցկացնել դերասանական արվեստի մասին, որին մասնակցեցին նաև ռեժիսորներ Էդգար Բաղդասարյանը, Արեն Մալաքյանը և այլոք:

 

Մեծ թվով երիտասարդներ էին ներկա Բաբկեն Չոբանյանի հետ հանդիպմանը, կինոԶրույցին և կարծում ենք, որ Կինոյի տան «Բուխարու սրահից» հեռացան լիովին բավարարված, քանի որ Բաբկեն Չոբանյանը և մյուսները ոչ միայն իրենց տեսակետներն անկեղծ բացահայտողներ էին, այլ նաև լավ բանավիճողներ:

 

Ի դեպ, ԿինոԶրույցների բոլոր տեսագրությունները կարող եք դիտել մեր էջում: