ՆորություններԿԻՆՈԳՈՐԾԻՉՆԵՐԸ ՀՐԱՎԻՐՎԵԼ ԷԻՆ ՔՆՆԱՐԿԵԼՈՒ ԿԱՆՈՆԱԿԱՐԳԻ ՆԱԽԱԳԻԾԸ
Օրեր առաջ Հայաստանի կինեմատոգրաֆիստների միության նախաձեռնությամբ տեղի ունեցավ Հաայստանի ազգային կինոկենտրոնի «Ֆիլմի նախագծերի մրցույթների անցկացման և ֆինանսավորման» կանոնակարգի նախագծի քննարկում:
 
Բաց հրավերին արձագանքելով քննարկմանը ներկա էին Հայաստանի ազգային կինոակադեմիայի, «Անկախ կինոգործիչների ակումբ» հասարակական նախաձեռնության, Հայաստանի կինոլրագրողների և կինոգետների ասոցիացիայի, «Երիտասարդական կինոալիք» հասարակական նախաձեռնության ներկայացուցիչներ, պրոդյուսերներ, սցենարիստներ, ռեժիսորներ, շահագրգիռ կողմեր ու անձինք:
 
Մի քանի ժամ տևած քննարկման ընթացքում լսվեցին տարբեր կարծիքներ, տեսակետներ, քննարկվեցին կոնկրետ դրույթներ, մոտեցումներ:
 
Հայաստանի կինեմատոգրաֆիստների միությունը նախագծի իր կողմից մշակված տարբերակը ներկայացրեց ընդհանուր քննարկման, նպատակ ունենալով կինոհամայնքի կողմից ձևավորել նախագծի ընդհանուր, միասնական տարբերակ և այն ներկայացնել ՀՀ մշակույթի նախարարություն:
 
Չնայած այն հանգամանքին, որ քննարկումը տևեց մի քանի ժամ, միասնական մոտեցումների ձևավորումը այդ փուլում հնարավոր չդարձավ:
10.06.2018