ՆորություններՀԱՄԲՈՒՐԳՑԻ ՀԱՆՐԱՀԱՅՏ ՄԱՍՆԱԳԵՏԸ` ԿԻՆՈՅԻ ՏԱՆԸ
ՀԱՄԲՈՒՐԳՑԻ ՀԱՆՐԱՀԱՅՏ ՄԱՍՆԱԳԵՏԸ` ԿԻՆՈՅԻ ՏԱՆԸ
Հայաստանի Կինեմատոգրաֆիստների միության նախագահ Հարություն Խաչատրյանի հրավերով Երևանում է Քրիստոֆեր Մոնդտը Համբուրգից, ով ժամանակակից կինոդահլիճներում կինոցուցադրումների ինժեներական լուծումների, տեխնիկակական սարքավորումների նախագծման լավագույն մասնագետներից է Եվրոպայում:
Քրիստոֆեր Մոնդտը Կինեմատոգրաֆիստների միության նախագահի և տեխնիկական անձնակազմի ներկայությամբ ուսումնասիրում է կինոցուցադրող նորացված ժամանակակից պրոյեկտորների տեխնիկական համապատասխանությունը Կինոյի տան 500 տեղանոց ամբողջովին նորացված, նոր կահավորված դահլիճին, դիտարկում է ընդամենը վերջերս տեղադրված կինոցուցադրող սարքավորումների, հիմնովին վերանորոգված կինոցուցադրման սրահի, Կինոյի տան մեծ դահլիճի էկրանի ինժեներական հնարավորությունները:
Քրիստոֆեր Մոնդտն ուղղակի հիացած էր առ այսօր կատարված աշխատանքով, մանավանդ, երբ տեղեկացավ, որ կինոդահլիճը և նրան սպասարկող ենթակառուցվածքները վերջին 30 տարիներին եղել են բարձիթողի իրավիճակում և ներկայիս համապատասխանությունն ապահովվել է ընդամենը մի քանի ամսում:
Առաջիկա օրերին Քրիստոֆեր Մոնդտը կներկայացնի պրոֆեսիոնալ մասնագիտական վերլուծություն:
Ի դեպ, երեկ Կինոյի տան մեծ դահլիճի բեմին արդեն փռված էր նաև կարմիր գորգը...
19.04.2018