Կինոյի տան փոքր դահլիճում կայացավ ՀՀ պաշտպանության նախարարության և Հայաստանի կինեմատոգրաֆիստների միության նախաձեռնությամբ իրականացվող համատեղ հերթական կինոհանդիպումը:

 

Այս անգամ Հայոց բանակի մարտիկներն ու սպաները դիտելու էին վավերագրող կինոռեժիսոր ՇԱՎԱՐՇ ՎԱՐԴԱՆՅԱՆԻ «ԹԻՐԱԽ» ֆիլմը:

 

Կինոյի տան փոքր դահլիճը (Հ. Մալյանի անվան թատրոն) հյուրընկալել էր ՀՀ ՊՆ ՎԱԶԳԵՆ ՍԱՐԳՍՅԱՆԻ ԱՆՎԱՆ ՌԱԶՄԱԿԱՆ ՀԱՄԱԼՍԱՐԱՆԻ և ՀՀ ՊՆ ԱՐՄԵՆԱԿ ԽԱՆՓԵՐՅԱՆՑԻ ԱՆՎԱՆ ՌԱԶՄԱԿԱՆ ԱՎԻԱՑԻՈՆ ՀԱՄԱԼՍԱՐԱՆԻ շուրջ 70 սաների և սպաների:

 

Կինոդիտումից առաջ մեր զինվորականներին ողջունեցին կինոգետ ՌՈԲԵՐՏ ՄԱԹՈՍՅԱՆԸ և ֆիլմի օպերատոր ԱՐՏԱՎԱԶԴ ԽԱՉԱՏՈՒՐՅԱՆԸ:

 

«Թիրախ»-ը խաղարկայինի և վավերագրականի հետաքրքիր միաձուլմամբ ստեղծված ֆիլմ է, որի արծարծած խնդիրներն արդիական են բոլոր ժամանակների ու պատերազմների համար:

 

Ֆիլմից հետո Արտավազդ Խաչատուրյանը պատասխանեց հանդիսականների հարցերին, կիսվեց հուշերով:

Հաջորդ կինոհանդիպումը՝ շատ շուտով...